*** សម្រាប់ទូរសព្ទដៃ 𝐈𝐎𝐒

𝙞𝙈𝙤𝙫𝙞𝙚: កម្មវិធីកាត់តវីដេអូបង្កើតឡើងដោយក្រុមហ៊ុនអ៊ែបផល (Apple). គេអាចប្រើវាបានលើ ទូរសព្ទដៃ(ios), MacOS,iPadOS។ សម្រាប់អ្នកប្រើប្រាស់ ទូរសព្ទដៃ iPhone កម្មវិធីនេះគឺពេញនិយមជាងគេ ព្រោះវាមានភាពងាយស្រួល និងសាមញ្ញ ហើយទទួលបានគុណភាពវីដេអូល្អ ដែលមិនតម្រូវអោយអ្នកប្រើចេះបច្ចេកទេស ឬចំណោះដឹងច្រើនឡើយ ។ អ្វីដែលពិសេសបន្ថែមទៀត នោះគឺ យើងអាចប្រើប្រាស់បានដោយឥតគិតថ្លៃ (FREE)

𝙇𝙐𝙈𝘼𝙁𝙐𝙎𝙄𝙊𝙉

App នេះមានការពេញនិយមខ្លាំងសម្រាបអ្នកប្រើទូរសព្ទដៃ ios ដែលចង់កាត់តវីដេអូដែលមានគុណភាពកាន់តែល្អ មានTemplates ល្អៗជាច្រើន ដែលអ្នកប្រើប្រាស់អាចយកមកដាក់ក្នុងវីដេអូបាន។ វាមានលក្ខណៈពិសេសៗមិនចាញ់ កម្មវីធីធំៗដែលកាត់់លើកុំព្យូទ័រឡើយ ដែលមានពណ៌ច្រើនអាចលេងតាមចំណង់ចំណូលចិត្ត មានវីដេអូខ្លីៗស្រាប់ក្នុងនោះដែលអាចយកមកបន្ថែមជាមួយវីដេអូដើមយើងបាន អាចកាត់វីដេអូច្រើនបញ្ចូលគេបានយ៉ាងល្អ។

យើងឃើញថា វាមានគុណប្រយោជន៍ច្រើន តែក៏មានចំណុចតូចមួយដែលធ្វើអោយអ្នកប្រើប្រាស់អាចអូសរំលងវានោះគឺ LUMAFUSION ពេលដោនលោតគឺវាអស់លុយ មិនមែន Free ឡើយ តែតម្លៃក៏មិនថ្លៃណាស់ណាដែរ គឺត្រឹមតែ 29.99$ បន្ទាប់មកអ្នកអាចប្រើវាបានដោយសេរី ៕

𝐀𝐝𝐨𝐛𝐞 𝐏𝐫𝐞𝐦𝐢𝐞𝐫𝐞 𝐑𝐮𝐬𝐡 𝐟𝐨𝐫 𝐕𝐢𝐝𝐞𝐨 (𝐑𝐔)

គ្រាន់តែឃើញឈ្មោះ យើងក៏ដឹងភ្លាមថាវាជាខ្សែស្រឡាយរបស់ Adobe ហើយយើងអាចនិយាយបានថា វាប្អូនពៅរបស់ Adobe premiere pro (Rr) ដែលជាកម្មវិធីកាត់តវីដេអូលើកុំព្យូទ័រដ៏ល្បី។ Adobe Premiere Rush for Video (RU) ងាយស្រួលប្រើ មិនចាញ់ LUMAFUSION ឬ iMovie ទេ ហើយបើនិយាយពី លក្ខណៈសំខាន់ៗរបស់វាវិញក៏កាន់តែពិសេស ។ សម្រាប់ខ្ញុំ Adobe Premiere Rush for Video (RU) មានលក្ខណៈពិសេសៗច្រើនជាង iMovie ហើយងាយប្រើដូចគ្នា។ ចុងក្រោយអ្វីដែលយើងរងចាំនោះគឺ តម្លៃ!!_ វាគឺជា កម្មវិធីកូនកាត់ មានន័យថា អាចប្រើ FREE តែបើចង់បានអ្វីដែលកាន់តែពិសេសនោះគឺអស់លុយខ្លះៗដែរ ហើយក៏ចង់បញ្ជាក់ថា របស់ដែលFree ក៏មានច្រើនដែរ យើងអាចប្រើបានដោយមិនចាំបាច់ចំណាយលុយទេ។

𝙆𝙞𝙣𝙚𝙈𝙖𝙨𝙩𝙚𝙧-𝙑𝙞𝙙𝙚𝙤 𝙀𝙙𝙞𝙩𝙤𝙧

មានបងប្អូនជាច្រើនបានស្គាលវារួមមកហើយ តែតើអ្វីដែលលោកអ្នកចូលចិត្ត ឬ មិនចូលចិត្តពីកម្មវិធីមួយនេះ ? យើងអាចនិយាយថា វាមិនចាញ់កម្មវិធីមុនៗ ប៉ុន្មានទេ សមត្ថភាពវាមានច្រើន ហើយអ្នកប្រើប្រាស់ មិនទាមទារអោយមានជំនាញកាត់តអ្វីឡើយ ងាយៗ និងប្រើពេលខ្លី ។

𝐒𝐩𝐥𝐢𝐜𝐞_𝐕𝐢𝐝𝐞𝐨 𝐄𝐝𝐢𝐭𝐨𝐫 & 𝐌𝐚𝐤𝐞𝐫

𝙎𝙥𝙡𝙞𝙘𝙚_𝙑𝙞𝙙𝙚𝙤 𝙀𝙙𝙞𝙩𝙤𝙧 & 𝙈𝙖𝙠𝙚𝙧 ខុសពីកម្មវិធីមុនៗបន្តិចបងប្អូន! វាជាកម្មវិធីដែលផ្តោតលើ ចលនានៃវីដេអូយើង ឬ រូបភាព។ បើអ្នកមាន រូបភាព ហើយចង់បង្កើតរូបភាពនោះជាវីដេអូដែលមានចលនារស់រវើក ឬ ចង់បន្ថែមចលនា ឬ Edit បន្ថែមទៅលើវីដេអូ អ្នកអាចជ្រើសយក កម្មវិធីមួយនេះបាន ដោយឥតគិតថ្លៃ!!!