Remarketing ដែលពេលខ្លះគេហៅវាថា Retargeting ពាក្យពីរនេះ អ្នកធ្វើទីផ្សារមួយចំនួនបានបែងចែកតួនាទីវាដាច់ពីគ្នា ហើយមួយចំនួនក៏ចាត់ទុកថា វាជាពាក្យដែលមានអត្ថន័យដូចគ្នា។  

**នៅទីនេះ ខ្ញុំចាត់ទុកវានៅក្នុងក្រុមតែមួយ! 

តើអ្វីជាការធ្វើ Remarketing?

Remarketing សំដៅដល់ ការផ្សព្វផ្សាយតាមអិនធើណិតទៅលើក្រុមអតិថិជនគោលដៅណាមួយដែលបានស្គាល់ពីប្រេន របស់ក្រុមហ៊ុនម្តងរួចហើយ ឬ បានធ្វើសកម្មភាពណាមួយទៅអាជីវកម្មមួយរួចហើយដូចជា ចុច Interested, ចុច Like ផេក ជាដើម។ 

បើលោកអ្នកនៅមិនទាន់យល់ពីអត្ថន័យនេះទេ! មានឧទាហរណ៍ងាយមួយដែលខ្ញុំជឿថា លោកអ្នកធ្លាប់ជួបគ្រប់ៗគ្នា៖  

តើលោកអ្នកធ្លាប់ឆ្ងល់ទេថា ពេលលោកអ្នកចូលទៅកាន់វេបសាយទំនិញណាមួយ ឬចូលឆែកផេកណាមួយ ក្រោយពីលោកអ្នកចេញមកវិញ លោកអ្នកនឹងឃើញមាន អ៊ែត (ad) ឬការផ្សព្វផ្សាយពីផលិតផលនោះ បង្ហាញលើបណ្តាញសង្គមអ្នកភ្លាមៗ ! 

នេះគេហៅថា Remarketing! 

ហេតុអ្វី វាមានសារៈសំខាន់?  

Remarketing ពិតជាមានសារៈសំខាន់ណាស់ក្នុងការធ្វើ ទីផ្សារបែបឌីជីថល! ហើយ វាជាយុទ្ធសាស្រ្តមួយដែលមានប្រសិទ្ធភាពខ្ពស់ដែលមិនអាចខ្វះបាន ក្នុងការផ្សព្វផ្សាយទៅចំនឹងអតិថិជនគោលដៅ។  

ការធ្វើ Remarketing មានសារៈសំខាន់ដូចជា៖  

• បង្កើន ROI (Return on investment ) ខ្ពស់ 

• ជាវិធីសាស្រ្តល្អ សម្រាប់អាជីវកម្មដែលមានកញ្ចប់ថវិកាមានកម្រិតក្នុងការផ្សព្វផ្សាយ 

• ផ្សព្វផ្សាយចំអតិថិជនគោលដៅ  

• ពង្រឹងប្រេន  

• ណែនាំផលិតផល ឬសេវាកម្មថ្មី ជាដើម 

ការធ្វើ Remarketing នេះមានវិធីច្រើនអាស្រ័យលើអ្នករៀបគម្រោងទីផ្សារ ឬ អ្នកធ្វើយុទ្ធសាស្រ្ត ។ ខាងក្រោមនេះជា វិធីមួយក្នុងការធ្វើ Remarketing ដែលម្ចាស់អាជីវកម្មមិនចាំបាច់មានវេបសាយឡើយគឺការធ្វើ Facebook Retargeting Campaign មានន័យថា យើងធ្វើ Remarketing លើតែហ្វេសប៊ុកប៉ុណ្ណោះ ដោយប្រើ Ads Manager!  

ជំហ៊ានងាយៗក្នុងការធ្វើ Remarketing  លើហ្វេសប៊ុក

1. ចូលទៅកាន់ផេកអ្នក រួចចូលទៅកាន់ Ads Manager  

2. ចុច « + Create »

3. លោកអ្នកបង្កើត ad តាមធម្មតា តែពេលជ្រើសយកប្រភេទអតិថិជន (Audience) ជ្រើសយក Create New Audience និងចុចយក Create New 

4. ជ្រើសរើស Custom Audience  

5. ជ្រើសយក ប្រភេទប្រភពដើមមួយដែលលោកអ្នកចង់ចង់បង្កើត អតិថិជនចេញពីវា ( Custom Audience Source) ។ ក្នុងឧទាហរណ៍នេះ យើងជ្រើសយក  Facebook Page ព្រោះយើងមិនមាន វេបសាយ  

6. ពេលនេះ ជាពេលដែលអ្នកត្រូវជ្រើសយក

• ហ្វេសប៊ុកផេកមួយណា (ករណីមានផេកច្រើន) ដែលយកមកបង្កើត Custom Audience 

• និង តើវិធីមួយណា ដែលអ្នកចង់អោយផុសមួយនេះបានទៅដល់អ្នកដែលបានស្គាល់ផេកអ្នកហើយ? ជ្រើសយក ១ ក្នុងចំណោមលក្ខខណ្ឌខាងក្រោមនេះ

7. បើអ្នកមានផេកច្រើន អ្នកក៏អាចបន្ថែមផេកបានដែរ  

8. បន្ទាប់ពីជ្រើសរើស និងកំណត់រួចរាល់ហើយ ចុច « Create Audience» នោះអ្នកបានបង្កើតវាបានជោគជ័យហើយ ដើម្បីបញ្ចប់ ការកំណត់អតិថិជនេះ ចុច « Done»  

9. ចុច Next ហើយជ្រើសរើសផុស ដែលអ្នកចង់ប៊ូត  

10. រួច Public ad (អ៊ែតរបស់អ្នក) ជាការស្រេច  

នេះគ្រាន់តែវិធីមួយក្នុងការធ្វើ Remarketing ទេ! ការជ្រើសរើសអាចខុសគ្នាខ្លះៗ អាស្រ័យតាម Objective និង ប្រភេទ ប្រភពដើម ដែលអ្នកចង់ធ្វើ remarketing លើវា (Custom Audience Source ) !  

បើលោកអ្នកបានអនុវត្តន៍ហើយ សូមជួយចែករំលែកខាងក្រោមផង!!!