ក្រុមហ៊ុនហ្វេសប៊ុកបានអភិវឌ្ឍន៍ខ្លួនជាច្រើន ដើម្បីបំពេញតម្រូវការរបស់អ្នកប្រើប្រាស់ ជាពិសេសបង្កភាពងាយស្រួលជាច្រើនដល់ម្ចាស់អាជីវកម្មខ្នាតតូច និងមធ្យម។ ហើយខាងក្រោមនេះ យើងនឹងនិយាយពី Tool មួយរបស់ហ្វេសប៊ុក ដែលអនុញ្ញាតិឲ្យអ្នកប្រើប្រាស់អាចដាក់ផលិតផលរបស់ខ្លួនលក់ដោយមិនមាន Facebook Page និង មិនត្រូវការ ប៊ូត ដែលចំណាយលុយឡើយ។

ឥឡូវងាកមកប្រធានបទយើងវិញដែលនិយាយពី Marketplace ក្នុងហ្វេសប៊ុក ដែលតាមពិតទៅវាមានជាយូរណាស់មកហើយនៅលើហ្វេសប៊ុកគឺតាំងពី ២០១៦ មកម្លេះ តែនៅកម្ពុជាយើងមិនទាន់អាចប្រើបានឡើយ។ ហ្វេសប៊ុក ពិតជាជួយសម្រួលលឿនមែនទែនដល់អាជីវកម្មខ្នាតតូច មួយរយៈចុងក្រោយនេះ យើងសង្កេតឃើញថា Marketplace អាចប្រើបានហើយនៅកម្ពុជាយើង។ វាជារឿងដ៏ល្អមួយសម្រាប់ម្ចាស់អាជីវកម្មខ្នាតតូច ដែលចង់ដាក់លក់ផលិតផលក្រៅពីហ្វេសប៊ុកផេក តែនេះមិនមានន័យថា អ្នកត្រូវឈប់ប្រើផេកឡើយ។ 

ទាំងនេះជាសារៈសំខាន់ដែលអ្នកគួរប្រើ Marketplace បន្ថែមលើហ្វេសប៊ុក៖

• ជាកន្លែងដែលអនុញ្ញាតិឲ្យអ្នកអាចរាយផលិតផលរបស់ខ្លួនដោយឥតគិតថ្លៃ

• មានភាពងាយស្រួលឆ្ងាយជាង E-commerce manager 

• អាចបង្ហាញផលិតផលទៅកាន់អ្នកក្នុងតំបន់លឿន ដោយមិនចាំបាច់ប៊ូត

• អ្នកមិនមានផេក ក៏អាចដាក់លក់បាន

• អ្នកអាចគ្រប់គ្រងបញ្ជីទំនិញបានងាយស្រួល (អាចលុបចេញ អស់ស្តុក និង ចូលទៅកែសម្រួលផលិតផលបានងាយ)

• ចំណាយពេលតិចជាងមុន

• អាច Chat និង Comment តបទៅកាន់អតិថិជនលឿន និងងាយ

ពិសេសនោះគឺ អ្នកអាច share ផលិតផលអ្នកបានទៅកាន់គណនេយ្យអ្នក ឬ Friends របស់អ្នកបានទៀតផង។ 

ចំណុចដែលត្រូវគិតពិចារណា៖

• ការលក់នៅក្នុង Marketplace មិនអាចប៊ូតបានដូចក្នុងហ្វេសប៊ុកផេកទេ

• វាបង្ហាញបានតែក្នុងតំបន់ណាមួយដែលអ្នកជ្រើសរើសផុសប៉ុណ្ណោះ

• លក់ចេញពីគណនេយ្យផ្ទាល់ខ្លួន ដូចនេះត្រូវមានការប្រុងប្រយ័ត្នចំពោះព័ត៌មានមួយចំនួន

• ត្រូវគោរពលក្ខខណ្ឌនៃ Commerce Policies

ទោះបីជាយ៉ាងណាក៏ដោយ Marketplace នៅតែជាកន្លែងដែលអ្នកគួរសាកល្បងដាក់លក់ ព្រោះវាជាទំនោរថ្មីមួយនៅកម្ពុជាបន្ទាប់ពីវាចេញជាយូរឆ្នាំណាស់មកហើយនៅប្រទេសអភិវឌ្ឍន៍មួយចំនួន។ លើសពីនោះ អ្នកនៅតែត្រូវការហ្វេសប៊ុកផេកដដែលដើម្បី លក់ផលិផល ឬសេវាកម្មអ្នក។ 

សរុបមក បើមានរបស់FREEហើយ អាចជួយឲ្យការផ្សព្វផ្សាយរបស់អ្នកដល់អតិថិជនគោលដៅបានកាន់តែលឿន ហេតុអ្វីមិនសាកល្បងមែនអត់ ?

តោះសាកចាប់ផ្តើម ដាក់ផលិតផលលក់តាមជំហ៊ានងាយៗខាងក្រោម៖

១. ចូលទៅកាន់ Marketplace នៅផ្នែកខាងលើនៃហ្វេសប៊ុក

២. ចុចលើ Create New Listing

៣. បន្ទាប់មក ចុច Item for Sale

៤. ដាក់រូប ផលិតផល

៥. បញ្ចូលព័ត៌មាននៃផលិតផលរបស់អ្នក 

៦. ចុចលើពាក្យ « Next» 

៧. ចុងក្រោយគឺ « Publish »

នោះផលិតផលរបស់អ្នក នឹងផុសចូល Marketplace ដែលមានគេអាចមើលឃើញយ៉ាងមានប្រសិទ្ធភាព