តើអ្នកធ្លាប់មានអារម្មណ៍តានតឹង ឬថប់អារម្មណ៍មែនទេ? អ្នកមិនមែនមានបញ្ហានេះតែម្នាក់ឯងនោះទេ  វិបត្តិកូវីដ-១៩ គឺជាពេលវេលាដ៏ស្ត្រេសសម្រាប់មនុស្សស្ទើរគ្រប់គ្នា ។ ការមើលថែខ្លួនឯង គឺជារឿងសំខាន់ជាងគេនៅពេលនេះ ហើយវាសំខាន់ជាងពេលណាៗទាំងអស់ ដោយសារភាពតានតឹងខ្លាំងនៃវិបត្តិកូវីដ-១៩ ។ ការមើលថែខ្លួនឯង មិនត្រឹមតែការបរិភោគអាហារដែលមានផាសុខភាពល្អ និងហាត់ប្រាណប៉ុណ្ណោះទេ ប៉ុន្តែវាថែមទាំងការថែរក្សាសុខភាពផ្លូវចិត្តរបស់អ្នក និងការរក្សាតុល្យភាពផងដែរ។ 

ខាងក្រោមនេះ ជាគន្លឹះមួយចំនួនដើម្បីជួយអ្នកក្នុងការថែរក្សាខ្លួនអ្នកអំឡុងពេលកូវីដ១៩៖ 

កសាងទំនាក់ទំនងជាមួយខ្លួនឯង 

នេះមើលទៅ ហាក់ដូចជាចម្លែកបន្តិច ប៉ុន្តែទិដ្ឋភាពសំខាន់នៃសុខភាពផ្លូវចិត្តគឺការកសាងទំនាក់ទំនងជាមួយខ្លួនអ្នក។ មានន័យថាដូចម៉េច? នេះមានន័យថាអ្នកត្រូវចំណាយពេលដើម្បីស្វែងយល់ពីខ្លួនឯង ថាតើខ្លួនឯងជានរណាឲ្យពិតប្រាកដ ខ្លួនឯងត្រូវការអ្វី និងដឹងពីអារម្មណ៍ពិតរបស់ខ្លួនឯងផងដែរ។  មនុស្សជាច្រើន បានបំពេញកិច្ចការយ៉ាងមមារញឹកពីមួយថ្ងៃទៅមួយថ្ងៃ ការមើលថែគ្រួសារ និងចំណាយពេលជាមួយមិត្តភក្តិ តែគេមិនដែលបានចំណាយពេលជាមួយខ្លួនឯង ហើយពិនិត្យមើលថា តើគេមានអារម្មណ៍យ៉ាងណាឡើយ។ ចំណាយពេលខ្លះ សម្រាប់សម្រាកលំហែកាយ អានសៀវភៅ ស្តាប់ចម្រៀង វាជាការសំខាន់ដែលអ្នកត្រូវចំណាយពេលដើម្បីមើលថែខ្លួនឯង អ្នកត្រូវចេះថែរក្សាខ្លួនឯងជាមុនសិន មុនពេលអ្នកចង់មើលថែរក្សាអ្នកដទៃ។ 

ដកដង្ហើមចេញចូលវែងៗ 

ការធ្វើដកដង្ហើមមួយៗវែងៗ ច្រើនតែត្រូវបានគេយកទៅលេងសើច ប៉ុន្តែការចំណាយពេល ហើយផ្តោតលើខ្យល់ដង្ហើមចេញចូលរបស់អ្នកគឺជាលំហាត់ប្រាណដ៏អស្ចារ្យដើម្បីជួយអ្នកឱ្យចេះរស់នៅជាមួយនឹងបច្ចុប្បន្ន។ នេះមានន័យថា អ្នកមិនបាច់គិតអំពីអតីតកាល ឬអនាគតទេ ប៉ុន្តែត្រូវបានផ្តោតអារម្មណ៍សុទ្ធសាធក្នុងពេលបច្ចុប្បន្ន។ នេះហៅថា ការចម្រើនសតិតាមការពិនិត្យខ្យល់ដង្ហើម។  

សូមមើល កម្មវីធីទូរសព្ទដៃ និងឧបករណ៍មួយចំនួនដែលអាចជួយអ្នក ក្នុងការតាំងចិត្តឲ្យស្ងប់ ឬ ចម្រើនសតិ ដូចខាងក្រោម៖ 

ឧបករណ៍ឌីជីថល 

ទាំងនេះគឺជា ឧបករណ៍ឌីជីថលមួយចំនួនដែលយើងចូលចិត្តប្រើដើម្បីជួយក្នុងការធ្វើអោយយើងអាចតាំងចិត្តឲ្យស្ងប់បានល្អ។  

១. Smiling Mind 

នេះគឺជា  កម្មវីធីទូរសព្ទដៃ ដែលអាចឲ្យអ្នកប្រើដោយសេរី វាអាចជួយអ្នកឲ្យរក្សាចិត្តបានស្ងប់ និងតាំងសមាធិបាន។ វាមានកម្មវិធីផ្សេងៗគ្នាច្រើនប្រភេទផងដែរ ហើយវាជាកម្មវីធីទូរសព្ទដៃ មួយដ៏ល្អដែលជួយអ្នកក្នុងការចាប់ផ្តើមធ្វើឲ្យចិត្តស្ងប់ល្អ។ តែសំណាងមិនល្អសម្រាប់អ្នកមិនចេះអង់គ្លេស ព្រោះវាជាកម្មវីធីទូរសព្ទដៃ ដែលមានតែភាសាអង់គ្លេសប៉ុណ្ណោះ។ 

២. Health (iPhone) or Step Counter (Android) 

កម្មវីធីទូរសព្ទដៃទាំងពីរនេះ នឹងរាប់ជំហានជើងរបស់អ្នកជាប្រចាំថ្ងៃ ។ គោលបំណងគឺដើម្បីអោយបាន ១០ ០០០ ជំហានជារៀងរាល់ថ្ងៃ ដែលជាចំនួនដ៏ល្អសម្រាប់សុភាពអ្នក និងជួយអោយអារម្មណ៍ស្រស់ថ្លា។

៣. ឆានែល Youtube 

Natural Sounds 

ការស្តាប់សំឡេងធម្មជាតិតាម Youtube   គឺពិតជាធ្វើឲ្យមានអារម្មណ៍ធូរស្បើយ ហើយអាចជួយសម្រួលដល់ដំណេករបស់អ្នកផងដែរ។ នេះជាឆានែលមួយក្នុងចំណោមឆាណែលដែលយើងពេញចិត្ត៖